Chandane Nile Tipur

चांदणे निळे टिपूर धुंद चहूकडे
ये मिठीत ये दिठीत आज तू गडे
चांदणे निळे टिपूर

रसाळ या तुझ्या स्वरांत सौख्य साठले
एक फूल स्पर्शभूल स्वप्न वाटले
दूर अंबरात चंद्रपाखरू उडे
ये मिठीत ये दिठीत आज तू गडे
चांदणे निळे टिपूर

भासतो प्रशांत मंद गारवा जरा
चारुशिल्प मोहवी मदीय अंतरा
जीव शालिनी असा तुझ्यावरी जडे
ये मिठीत ये दिठीत आज तू गडे
चांदणे निळे टिपूर

उरात गीत छेड तू सुरेल झंकृती
स्मृतीत राहू दे प्रिये सुरेख ही कृती
दंवात पारिजात शुभ्र घालतो सडे
ये मिठीत ये दिठीत आज तू गडे
चांदणे निळे टिपूर धुंद चहूकडे
ये मिठीत ये दिठीत आज तू गडे
चांदणे निळे टिपूर धुंद चहूकडे