O Saiyyan

Meri adhoori kahani, lo daastaan ban gayi
Ho, tune chhua aaj aise, ae, kya se kya ban gayi
Sehme hue sapne mere haule-haule angdaiyan le rahe
Thehre hue lamhe mere nai-nai gehraiyan le rahe

Zindagi ne pehni hai muskaan
Karne lagi hai itna karam kyun na jaane
Karvat lene lage hain armaan fir bhi
Hai aankh nam kyun na jaane
Oh, saiyyan

Odhun teri kaaya, 16 singaar main saja loon
Sangam ki yeh raina, is mein tyohar main mana loon
Khushbu teri chhu ke kastoori ho jaun
Kitni pheeki thi main, sindoori ho jaun

Sur se zara behki hui meri duniya thi badi besuri
Sur mein tere dhalne lagi, bani re, piya, main bani bansuri

Zindagi ne pehni hai muskaan
Karne lagi hai itna karam kyun na jaane
Karvat lene lage hain armaan fir bhi
Hai aankh nam kyun na jaane
Oh, saiyyan (oh, saiyyan)

Mere aasman se jo hamesha gumshuda the chaand-taare
Tune gardishon ki lay badal di, laut aaye aaj saare

Oh, saiyyan