Neenondu Ashcharya

ನೀನೊಂದು ಆಶ್ಚರ್ಯ ಮುಟ್ಟಿಯೇ ನಾ ನಂಬಲಾ
ಮೆಚ್ಚುತಾ ಮೆಚ್ಚುತಾ ಹೆಚ್ಚೇ ಆಯ್ತು ಹಂಬಲ
ಅಪಹರಿಸುವ ಚೆಲುವು ಗರಿಗೆದರಿದೆ ಎದುರೇ
ತಡವರಿಸುವ ತುಟಿಯ ಮಾತೆ ಬೇರೆ

ಮೈ ಮರೆಸುತ ತನುವು ಶ್ರುತಿಗೊಳ್ಳುತಿದೆ ಉಸಿರೇ
ಚಡಪಡಿಸುವ ಮನದ ಪಾಡೇ ಬೇರೆ

ಸೆಳೆದರೆ ನೀ ಹೀಗೆ
ಉಳಿಯಲಿ ನಾ ಹೇಗೆ
ಪರದೆಯು ಬೇಕೇನು

ನೋಡಿನ್ನು ತೆರೆಯ ಮರೆಯ ಮುಖ ನೀನು

ಬೇಕು ಒಂದೇ ಮಾಯ ಸ್ಪರ್ಶ
ಒಂಟಿ ಎಂಬ ಈ ಶಾಪ ನೀಗಲು
ಹಾರಿ ನಿನ್ನ ಕಣ್ಣ ಕಿಡಿಯೂ
ಮುದ್ದಾದ ಕಾಳ್ಗಿಚ್ಚು ಈಗ ನನ್ನಲೂ

ನೀಗಿ ನೀಗಿ ಏಕಾಂತ
ಕ್ಷಣವಿದು ವರ್ಣರಂಜಿತ
ಹೃದಯವೇ ಹೂದೋಟ

ಇನ್ನೀಗ ಅವಿತ ನಿಧಿಯ ಹುಡುಕಾಟ

ನೋಟ
ನನ್ನನ್ನು ತಬ್ಬುತಾ
ಮಿಂಚು
ನನ್ನಲ್ಲಿ ಹಬ್ಬುತಾ
ಇನ್ನು
ಎಲ್ಲಾನೂ ಉನ್ಮತ್ತ
ಮಾತು
ಒಂದೊಂದೇ ಸೋಲುತಾ
ಮೌನ
ಇನ್ನೇನು ಹೇಳುತಾ
ಇನ್ನೂ
ಈ ಜೀವ ನಿನ್ನತ್ತ