Iravingu Theevai

இரவிங்கு தீவாய் நமை சூழுதே
விடியலும் இருளாய் வருதே
நினைவுகள் தீயாய் அலை மோதுதே
உடலிங்கு சாவாய் எழுதே

பிரிவே உறவாய் கரைந்து போகிறேன்
உயிரின் உயிரை பிரிந்து போகிறேன்

மலைகளின் நதிபோல் மனம் வழிந்து வந்தாய்
வறண்டிடும் நிலத்தில் பல கடல்கள் தந்தாய்
கனவே துணையாய் ஒழிந்து போகட்டும்
இரவிங்கு தீவாய் நமை சூழுதே
விடியலும் இருளாய் வருதே

இந்த தாமரை குளம் மீறி தனி ஆகுதே
அதன் சூரியன் பகல் இன்றி வெயில் காயிதே
ஒரு பாதையில் இரு ஜீவன் துணை தேடுதே

அட காலங்கள் தடை மீறி தடை போடுதே
நீ இன்றி நானே தினம் வாழ்வதொரு வாழ்வா
வாழ்வே வா நீ தான் உயிரின் உயிரே
வரவா வரவா

தினம் தினம் உயிர்த்தெழும்
மனம் அன்றாடம் மாயுமே
உயிர் வரை நிறைந்துனை
மனம் கொண்டாடி வாழுமே
மரங்கள் சாய்ந்து கூடு
விழுந்தும் குயில்கள் ராகம் பாடுமே

இரவு தீர்ந்து ஓய்ந்த போதும்
நிலவு பொறுமை காக்குமே

மழை வழி கடல் விடும்
விண் காதல் மண்ணை சேருமே
உனை உடல் பிரிந்தினும்
என் காதல் உன்னை சேர்ந்து வாழுமே
நீ போய் வா வா வா