Neeyoru Puzhayayi (From "Thilakkam")

നീയൊരു പുഴയായ്ത്തഴുകുമ്പോൾ
ഞാൻ  പ്രണയം വിടരും കരയാകും
നീയൊരു പുഴയായ്ത്തഴുകുമ്പോൾ
ഞാൻ  പ്രണയം വിടരും കരയാകും
കനകമയൂരം നീയാണെങ്കിൽ
മേഘക്കനവായ് പൊഴിയും ഞാൻ
നീയൊരു പുഴയായ്ത്തഴുകുമ്പോൾ
ഞാൻ  പ്രണയം വിടരും കരയാകും

ഇലപൊഴിയും ശിശിരവനത്തിൽ നീ
അറിയാതൊഴുകും കാറ്റാകും
നിൻ മൃദുവിരലിൻ സ്പർശം കൊണ്ടെൻ
പൂമരമടിമുടി തളിരണിയും
ശാരദയാമിനി നീയാകുമ്പോൾ
യാമക്കിളിയായ് പാടും ഞാൻ
ഋതുവിൻ ഹൃദയം നീയായ് മാറും
പ്രേമ സ്പന്ദനമാകും ഞാൻ
നീയൊരു പുഴയായ്ത്തഴുകുമ്പോൾ
ഞാൻ  പ്രണയം വിടരും കരയാകും

കുളിർമഴയായ് നീ പുണരുമ്പോൾ
പുതുമണമായ് ഞാൻ ഉണരും
മഞ്ഞിൻ പാദസരം നീയണിയും
ദളമര്‍മരമായ് ഞാൻ ചേരും
അന്നു കണ്ട കിനാവിൻ തൂവൽ
കൊണ്ടു നാമൊരു കൂടണിയും
പിരിയാൻ വയ്യാപ്പക്ഷികളായ് നാം
തമ്മിൽ തമ്മിൽ  കഥ പറയും
നീയൊരു പുഴയായ്ത്തഴുകുമ്പോൾ
ഞാൻ  പ്രണയം വിടരും കരയാകും
കനകമയൂരം നീയാണെങ്കിൽ
മേഘക്കനവായ് പൊഴിയും ഞാൻ
നീയൊരു പുഴയായ്ത്തഴുകുമ്പോൾ
ഞാൻ  പ്രണയം വിടരും കരയാകും