Sawal Jawab

अहो नर नारीचे मिलन घडता
जीव नवा ये जन्माला
हे हे

अहो नर नारीचे मिलन घडता
जीव नवा ये जन्माला
तिन्ही त्रिकाळी सत्य असेहे
ठाऊक अवघ्या जगताला

जी जी जी जी

अगं सांग तु ऐशा मिलनाविना
जन्म कुणाचा झाला गं
अन कुणा नारीनं कसा अन कधी
चमत्कार हा केला गं

जी जीर जी जी जीर जी
जी जीर हे जी

अहो नसे नारी ती ऐरी गैरी
आदीशक्ती ह्या जगती गं
आदीशक्ती ह्या जगती गं
सांब शिवाची अर्धांगी तीज
माय पार्वती म्हणती गं

जी जी जी जी

अहो अंग मळातून बालक रचिला
चमत्कार तो गणपती
अन त्याच गणाची आज थोरवी
कार्यारंभी गाती गं

हा जीर जी हा जीर जी हा जी जीर जीर जी

सदैव असते सख्या संग जरी
बिलगून त्याला राही गं
अंधाराचं बोट धरूनी
कुणा भेटण्या जाई गं
अव देती दुनिया तरी दाखला
या दोघांच्या पिर्तीचा
या दोघांच्या पिर्तीचा
अंधाराचं गुपित सांग तू
सवाल करते नीतीचा

जी जी जी जी

सोबत असते तरी न दिसते
गोष्ट ही न्याऱ्या ढंगाची
अंघारी त्या विरुन जाते
सखी सावळ्या रंगाची

हे युगायुगांचे सत्य असे ही
सखी सख्या विन नसते गं
सखी सख्या विन नसते गं
शरीर म्हणजे सखा तयाची
सखी सावली असते गं

हा जीर जी हा जी जीर जीर हा जी

आभाळाहून विशाल भारी
कधी लोण्याहुन मउसुत गं
कधी लोण्याहुन मउसुत गं
फिक्की पडती चंदनकाडी
झिजनं‌ त्याचं अद्भुत गं

जी जी जी जी

डोईवरली होई सावली
कधी पाठीचा ताठ कना
कधी पाठीचा ताठ कना
कधी प्रसंगी तांडव करुनी
होई भोळा सांब पुन्हा
गं
देवदानवांनाही होता
प्रत्येकाला असतो गं
नकोस शोधू पुराण पोथ्या
घराघरातून दिसतो गं
माझे राणी तू मैने तू नावी तू ग

जी र जी र हे जी र जी र जी
हे

किती वर्णू गं महिमा त्याचा
त्याच्या पायी घडले गं
हरवून जाता त्याची सावली
जगी एकटी पडले गं

लयमोलाचा ऐवज असतो
पुन्हा कधी ना मिळतो गं
पुन्हा कधी ना मिळतो गं
उमगायाला सोपी आई
बाप कुणा ना कळतो गं
बाप कुणा ना कळतो गं
जन्म घेई जे त्या साऱ्यावर
त्त्याच्या गुनांची छाप दिसे
त्त्याच्या गुनांची छाप दिसे
सवाल होता फक्कड ज्याचा
जवाब केवळ बाप असे

आ जी र जी आ जी र जी
जी र जी र हे जी र जी र
हे जी र जी र हे जी